Knut Bjørgås skriv i ”Or gomol tid”: ”Han Svein Bidne 1786–1843, var ein ordets mann, han las mykje i Johan Arndt, Den sande Kristendom, og når han kom til noko som tok han sterkt, slo han handa i bordet so da skolv." Detta er sandt! denna boka lyg ikkje!”

Frå "Midnatsolens land" av Paul Du-Chaillu. Den fransk-amerikanske turisten Paul Du-Chaillu rapporterer frå åra rett etter 1870: 
”Like ved bygda Vinje står ei fin, tømra kyrkje som er bygd for to hundre år sidan. Taket er boga og pryda med stjerner, og veggane malte i frodige fargar. To krossar, ein av jarn og ein av tre, er dei einaste monumenta på kyrkjegarden. Det vert ikkje halde gudsteneste lenger i kyrkja".